FANDOM


Kristobal Kolón

(EFE).- La Iglesia katólica retiró su propia propuesta de kanonizar al almirante Kristóbal Kolon al konoser ke "era djudío", dize el autor espanyol Oscar Villar Serrano en su libro en Kastelyano "Cristóbal Colón: el secreto mejor guardado".

Villar Serrano, doctor en Sensias Náutikas i kapitán de la Komandansia Marítima de Torrevieja, en la provinsia espanyola de Alikante, afirma ke Kolón mantuvo siempre un sietro anonimato sobre su personalidad "porke era djudío, echo ke le permitió rezibir el apoyo de los djudíos" en su primer viaje a Amérika kon la promesa de "ofreser a éstos la tierra prometida".

Villar aseguró ke "el misterio" ke envuelve a Kolón se debe a ke tuvo ke okultar su relijión porke para finansiar su viaje bushkó el apoyo de una reina katólika, si bien, "todos sus grandes apoyos" fueron djudíos, desde el bankero de la Korona de Aragón Luis Santángel, asta la propia tripulasión de las karabelas, "majoritariamente djudía".

En este sentido, el autor rekuedra en su libro los movimientos migratorios que se produjeron en Italia i Espanya durante los siglos XIV i XV, debido a la persekusión ke sufrieron los djudíos, i "es en eyos donde está el sekreto de la familia de Kolon". Villar asegura en su obra ke en la korrespondensia ke mantuvieron Kolón i su ijo Fernando "ai munchas pruebas de sus kreensias relijiosas djudías". Las kartas estaban fechadas con números hebreos, los tekstos fueron skritos en un idioma "inintelijible" i las despedidas las azía rekodrando una bendisión djudía. Ansi mizmo, el autor sostiene ke Kolón rekomendaba a su ijo por karta ke ante la jente se komportara como mandaba la ley kanónika, "pero entre mosotros - sita a Kolón tekstualmente - tenemos ke konservar muestras kostumbres". Villar rekuedra ke el ermano de Kristóbal Kolón fue kemado en Valensia en 1493 por ser djudío i ke, kuriozamente, fue la propia Iglesia la ke, tras la muerte del marino, propuso kanonizar al descubridor por el echo de aver kristianizado a los indígenas de Amérika, "ma se desestimó al darse kuenta de ke era djudío".

Además, el autor del libro sostiene ke el navegante "savía ande iva" kuando deskubrió el nuevo kontinente, pues kontaba kon informasión sobre la ruta a realizar.

En su libro, ke saldrá publikado el mes próksimo, Villar eksplika ke Kolón "no fue un simple aventurero", sino un letrado, kartógrafo i sentífiko ke poseía más de veinte mil libros sobre navegasión ke fueron posteriormente sedidos por su ijo a los dominikos de Sevilla, ande se recojían anotasiones del propio deskubridor.

También dize Villar ke Kolon konosía la distansia ke iva a kubrir i lo ke iva a tadrar porke "tenía kartografía presisa". En este sentido, el autor sostiene ke los mapas salieron de la eskuela de Sevres (Francia).

En kuanto a la finansiasión del primer viaje, Villar eksplikó ke parte del dinero ke dio Santángel para Kolón prosedía del arrendamiento de dominio públiko de las salinas de Torrevieja, propiedad del bankero Villar relata en su obra k Kolón se rodeó de importantes djudíos espanyoles como Abraham i Jefuda Kreskes, kreadores del Atlas katalán, el sentífiko italiano Paolo del Pozzo Toscaneli, el eksplorador florentino Nicolo di Conti i el kartógrafo i ermano del conkistador, Bartolomé Kolón.

Komo echo destakado, Villar mantiene ke los portugeses siempre stuvieron atentos i pendientes del primer viaje ke Kolón realizó a Amérika, por lo ke el deskubridor apuntaba en su kuaderno de bitákora "datos erróneos para no dar a konoser la ruta sertera".

Según Villar, Kolón desía ke avía descubierto las Indias Orientales por una ruta norte "pero era falso", ja ke al nuevo kontinente yegó por el sur evitando "el Mar de los Sargazos".

"Kristóbal Kolón: el sekreto mejor guardado" non es una novela, sino "una obra en la ke se mezkla la istoria kon konosimientos sentífikos i en la ke se aportan konklusiones muevas", dize Oscar Villar Serrano

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.