FANDOM


Lekh Lekha (o Lej Lejá)

El Dio le prometió a Abraham, muestro patriarka, ke le dará la tierra de Yisrael a sus fijos. I El Dio le pregunto: "Komo konoseré ke la tengo ke heredar?".

No debemos entender este versíkulo komo "Preséntame una senyal konkcreta de ke me darás la Tierra de Kanaán, porke si no lo fazes no Te kreo"; sinon, por kontrario, komo "Es ke akazo mis meritos son tantos ke yo realmente merezgo una rekompensa tan miraviyoza?"

Pero si mosotros mos atenemos a la ekspresion del Midrash, deskartando la primera posibilidad, mos resultará inkomprensible la respuesta del Santo Bendito.

O Sea: Sabe kon toda seguridad ke tu simiente será ekstranjera en tierra ajena, donde la reducirán a servidumbre i la oprimirán kuatrosientos anyos.

Pareseriya que si la pregunta hubiera sido fecha de buena fe, no tenía porke implikar un kastigo tan tremendo e injusto. Intentaremos ayanar esta difikultad kon un kuentiko muncho kortiko.

Un mediko akseptó tratar a un enfermo grave. Lo auskultó en el pecho, lo diagnostikó i le resetó una serie de remedios medikos. El enfermo, que era un hombre de bastante kultura, le pedió estonses:

Por favor. Eksplíkeme senyor doktor agora en detayes i en forma presiza ké es lo ke yo tengo i komo obrarán en mí todos esos remedios. Kuando lo tenga entendido me sentiré mejor, más seguro i más fuerte. Esa seguridad me ayudará a ser curado.

Del mizmo modo, Abraham se desesperaba:

Kómo es posible ke una kosa tan atroz como el destierro pueda ser el medio de alkanzar la Tierra de Kanaán?

A lo que El Dio le eksplikó, komo el médiko del kuento:

...Tu simiente será ekstranjera en tierra ajena... i después de esto... saldrán con gran rikeza.

Ya lo dice la Gemara en el tratado de Berakhot:

El pueblo de Yisrael resibió tres miraviyozos regalos, pero tiene que sufrir muncho para disfrutar kada uno de los tres. Son la Torá, la tierra de Yisrael, i el mundo que vendrá.

A lo que agrega el Midrash:

Ansí komo Yo los aré sklavos, ansí les daré la liberta. El trabajo forzado obrará kon eyos respekto de la tierra de Yisrael komo los remedios amargos obran sobre el organismo enfermo para devolverle a la salud.

No desdenyemos el sakrifisio. Vale la pena!

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.