FANDOM


Homenaje al Puevlo Turco a la okazyon del 500'en Aniversaryo (1492-1992)

Istanbul i los ekspulsados

Las Siete kolinas al borde del Bosfor,
Reflehan en l'agua azul del koriente
Mezkitas dorados, ke se ven d'enfrente
Komo un regalo del Konkistador.

Istanbul, suenyo d'oro del Emperador;
De Bizansio viejo markando la muerte,
Fraguo nuevo ponte kon el Oksidente,
Dando al sielo, un Krociente salvador.

Constantinopolis! Tierra de ansias!
Hoy Istanbul; sivdad d'amor i de pas.
El mundo entero l'admira kon pasyon.

Solo el puevlo d'Espanya ekspulsado
Apresia la suerte, de bivir al lado
Del Turko tolerente, como su Nasyon.

el 22 Agosto del 1988

Kantes de Maturidad
Salamon Bicerano
Istanbul 1991

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.