FANDOM


Esta konseja es una kurta konseja ke mi Padre Isak Kohen, Zihrono Levraha, kontava para azermoz riyir, en los ayos 1950-1960

Djoha se izo muy riko i se desido de viajar a la Fransia. Se fue a un restoran muy luxo para komer komidas fransezaz. Quando se assento el garson le trusho el menu en fransez. Djoha se averguenso ke no save meldar, i apunto el dedo en el menu sin entender. El garson vino atras kon un plato de avas sekas! Djoha vido ke alguno asentado serka esta komiendo una koza maraviyoza, i oyo ke le diso al garson "repetez" (con accent aigui). Segusto muncho ke ya oyo el nombre de esta komida maraviyoza. Pishin dio un sigundo orden: Repete! El desgrasiado de Djoha ne tuvo mazal i mizmo ke kijo komer kozas luxas eskapo kon komer solo avaz sekas por ke era inyorante! La rikeza material no le trusho meoyo!

Roz Drohobyczer