FANDOM


Toledot


Yitzahak pidió a Esav ke le trajera komida para luego bendesirlo. Ribká ke sabía ke las bendisiones les korrespondían a Yaakov se enteró de esto i le dijo (Genesis;Bereshit; 27:9): "ve al rebanyo, i toma para mí, de allí, dos kabrikos i yo are de eyos alimento"

El Midrash toma esta orden tambien de manera simbólika i komo un mesaje para el futuro: "Ribká dijo, en sentido figurado: ve al enkuentro de tu puevlo, ke ha sido komparado kon un rebanyo de ovejas".

Un kuentiko muncho kortiko mos aklarará el tema.

Abia una vez una chika nasión, ma mui rika en bienes naturales, en ábiles artesanos, en komersiantes kapazes, ma muy porve en medios de defensa. Para pejor, estaba rodeada de enemigos ke la atakavan konstantemente i ke, tras kada arremetida, konsegían arrebatarle bienes kuantiozos. Los abitantes de akeya nasión, kansados de la situasión, se reunieron para fijar líneas de kondukta para el futuro.

La asamblea resolvió ke konvenía dejar de travajar i de komersiar. Para ke segir esforzándose, kuando de kualkier modo ivan a ser despojados de lo ke ganavan kon tanto sakrifisio?

Ma avia uno de ellos ke era más intelijente ke los demás i opinó: espesialmente agora, en estos tiempos en los ke korremos tantos peligros, es ke tenemos ke trabajar más ke nunka i ovtener la major kantidad posible de ganansias. El ke muestros enemigos sepan ke posedemos bienes es lo úniko ke nos defiende de la anikilasión total, lo ke mos salva de la muerte a manos de muestros enemigos.

Bushkando la klave entenderemos el Midrash: al suponer Yitzahak ke Yaakov era Esav, se ekivokava. Pero no kabe duda de kuála era su opinión aserka de la kondukta ke normalmente observaba Yaakov, saviendo ke era justo: Por ke non se propuso tambien bendesirlo? I avlando agora de Yaakov: savemos por otro Midrash ke kuando se vio obligado a obedeser a su madre se eshó a yorar: Por ke rechazava kon tanta enerjía la idea de resibir la bendisión paterna? Yitzahak konosía la kalidad moral de Yaakov. Justamente porke savía de eya, non kería ke este fijo sujo disfrutara de este mundo, ja ke este goze, perturbaría al del Mundo ke Vendrá.

Ma Ribká pensaba de otro modo. Según un Midrash skrito sovre los versíkulos: "He oído a tu padre ke avlava a Esav disiendo: "fazeme alimento para ke te bendiga", ella komprendió ke Yaakov nesesitava esa bendisión, si non para sí, al menos para sus fijos. Sería la salvasión del puevlo de Yisrael, desparsido en todos los rinkones de la diáspora, viviendo komo viven las ovejas entre los lobos. Mientras los ferozes enemigos de la industrioza ma chika nasión; en este kazo los gobernadores del país donde residan los judíos; konsigen ordenyar su leche, skilarlas i utilizar su lana, las ovejas están a salvo.

Por eso las palavras del Midrash kon ke komienza este trozo: "Ve al rebanyo";"Ve a su enkuentro, salva al pueblo de Yisrael kon tu bendisión".

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.