FANDOM


Vaierá


Antes de destruir a Sodoma i Gomorra El Dio dijo (Genesis:Bereshit 18:17-18): Debo okultar a Abraham lo ke voy a fazer, ja ke Abraham siertamente sera una nasion grande i fuerte, i en el seran bendesidas todas las nasiones de la tierra? Ke es lo ke iva a fazer el Eterno? Dos kosas: destruir la sivdad de Sodoma i konvertir a Abraham en un puevlo mui poderozo.

Un kuentiko muncho kortiko mos ajudara a entender la relasion ke liga ambos versikulos.

Dos komersiantes ke vendian trajes de konfeksion para hombres, uno ja ansiano i el otro muncho mas joven, viajaron a una sivdad importante para adkirir merkansias. Visitaron varias kasas majoristas, en una de las kualas les ofresieron ropas de ekselente kalidad, pero de medidas juveniles. El ansiano komento al joven: Me gustaria muncho yevarle uno de estos trajes a mi uniko fijo, pero non sto seguro de las mesuras. Temo ke lo ke le elija no le kede bien. En kambio respondio el joven vo a komprar dos o tres prendas.

I si el tamanyo non konviene? Ke fazera el senyor kon eyas despues? Es ke tengo varios fijos, de edades diferentes. A alguno le andaran. Ademas todavia somos jovenes mi mujer i yo; no es imposible ke tengamos mas chikos... Si lo ke traigo konmigo non le va bien al major, lo usaran los otros, o los ke tendre mas adelante.

Veamos la klave de este kuentiko:

Kada una de las aksiones i de las palavras de Abraham, muestro patriarka, produjo i sige produsiendo algun efekto valido para todos sus fijos, de las jenerasiones ke lo susedieron i de las ke lo susederan. El Eterno savia ke las suplikas ke Le dirijia Abraham para salvar a Sodoma non servirian de nada, porke la sivdad stava kondenada.

Ma El keria aun ansi ke Abraham orara: esa orasion non iba a perderse. Abraham seria en el futuro una nasion grande i fuerte, i para entonses akella plegaria, kon todo su poder, seria el apoyo i la salvasion de los fijos de Abraham kuando trasgredieran la Ley Divina, kuando ellos, komo Sodoma, ya no tuvieran ni un solo justo ke pudiera reskatarlos.

Era el kaso del komersiante mas joven: si el traje no servia en ese momento, vendria bien mas adelante. Kada aksion i Tefila ke realizamos sirve si no agora en el futuro inmediato.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.